Lidhje

SHBA, gjyq ndaj gazetares së arrestuar në protestat për George Floydin


FILE - Police officers are shown arresting Des Moines Register reporter Andrea Sahouri after a Black Lives Matter protest she was covering on May 31, 2020, in Des Moines, Iowa, was dispersed by tear gas. (Photo courtesy Katie Akin via AP)

Një gjykatë në shtetin amerikan të Ajovas do të dëgjojë për të dytën ditë argumentet në çështjen e një gazetareje që u arrestua kur ajo mbulonte një protestë në qytetin Des Moines në maj të vitit të kaluar.

Andrea Sahouri, e gazetës "Des Moines Register", u spërkat me lëndë irrituese dhe u ndalua përkohësisht gjatë kohës që policia dhe protestuesit u përplasën gjatë protestës për vdekjen e George Floydit në Minneapolis të shtetit Minesota.

Një avokat mbrojtës i tha jurisë të hënën se Sahouri u arrestua pa të drejtë ndërsa punonte si gazetare.

Gjatë protestës së 31 majit, disa protestues hodhën shishe uji dhe gurë ndaj policisë. Disa thyen vitrina dhe vandalizuan një dyqan.

Oficeri Luke Wilson tha të hënën se Sahouri nuk u largua nga zona kur ai përdori gaz lotësjellës dhe se nuk e dinte që ajo ishte gazetare.

Nëse shpallet fajtore, gazetarja mund të përballet me deri në 30 ditë burg për secilën akuzë, edhe pse një afat i tillë burgimi do të ishte i pazakontë.

Facebook Forum

XS
SM
MD
LG