Lidhje

Blinken: Putini nuk do ta arrijë qëllimin për të përçarë aleatët e Kievit


Sekretari amerikan i Shtetit, Antony Blinken
Sekretari amerikan i Shtetit, Antony Blinken

Sekretari amerikan i Shtetit Antony Blinken tha të mërkurën se presidenti rus Vladimir Putin ka përqendruar zemërimin dhe furinë e tij tek popullata civile e Ukrainës. Ai shtoi se megjithatë strategjia e fundit e Rusisë për të shënjestruar infrastrukturën jetike të këtij vendi do të dështonte në synimin e saj për të përçarë aleatët e Kievit.

"Energjia elektrike, ngrohja dhe uji këto janë objektivat e reja të Presidentit Putin. Ai po i godet ato fort. Ky brutalizim i popullit të Ukrainës është barbar", tha zoti Blinken në një konferencë shtypi në Bukuresht pas një takimi dy-ditor të NATO-s.

Zoti Blinken akuzoi zotin Putin se po përpiqet të përçajë koalicionin perëndimor dhe ta detyrojë atë të braktisë Ukrainën, duke goditur infrastrukturën energjitike e për pasojë duke rritur kostot e energjisë jo vetën në Evropë, por në mbarë botën.

"Kjo strategji nuk ka funksionuar dhe nuk do të funksionojë. Ne do të vazhdojmë të dëshmojmë se ai mendon gabim. Kjo është ajo që dëgjova e me forcë nga çdo vend këtu në Bukuresht", shtoi zoti Blinken.

Më herët sekretari amerikan i Shtetit Antony Blinken tha se NATO do të vazhdojë mbështetjen për Ukrainën në një takim me ministrin e Jashtëm ukrainas, Dmytro Kuleba. Takimi dy palësh u zhvillua në kuadër të takimit të ministrave të jashtëm të NATO-s në Bukuresht të Rumanisë. Shefi i diplomacisë ukrainase tha se me homologun amerikan po kërkojnë zgjerimin e numrit të vendeve që do t’i bashkohen koalicionit kundër agresionit rus në Ukrainë.

Furnizimi me armë, riparimi i rrjetit elektrik në qendër të takimit Blinken - Kuleba
please wait

No media source currently available

0:00 0:02:28 0:00

Furnizimi i Ukrainës me armë dhe rindërtimi i rrjetit të saj të dëmtuar elektrik për t’i mbijetuar dimrit nën bombardimet ruse ishte çështja kryesore në takimin Blinken – Kuleba.

“Mbetët shumë e qartë për mua se mbështetja për Ukrainën është e fortë dhe e vendosur. Këtë e kam dëgjuar nga pothuajse të gjithë në takimin e NATO-s”, tha shefi i diplomacisë amerikane, Antony Blinken.

Kryediplomati ukrainas, Kuleba tha të mërkurën se diplomatët e NATO-s janë zotuar për armatosjen e Ukrainës, ndërsa njoftoi se me homologun amerikan po punojnë në zgjerimin e koalicionit kundër agresionit rus.

Ne duhet të kemi më shumë vende të botës që i bashkohen kësaj lufte të përbashkët"

“Populli i Ukrainës do të jetë shumë mirënjohës nëse kjo mbështetje jepet sa më shpejt dhe vazhdon për aq kohë sa është e nevojshme. Me Sekretarin Blinken po kërkojmë nëpër gjithë botën për më shumë ndihmë nga vende të tjera. Ne duhet të kemi më shumë vende që i bashkohen kësaj lufte të përbashkët për një botë që mbështetet në rregulla”, tha ministri ukrainas, Kuleta.

Vlerësimet e fundit janë se Rusia ka shkatërruar ose dëmtuar së paku 40% të sektorit energjetik ukrainas, duke lënë miliona pa ngrohje, energji elektrike apo ujë.

Sekretari i Përgjithshëm i NATO-s, Jens Stoltenberg, akuzoi presidentin rus Vladimir Putin për përdorimin e dimrit si armë kundër popullit të Ukrainës.

Presidenti Putin po reagon me më shumë brutalitet dhe po përpiqet t'i lërë ukrainasit pa ujë, energji elektrike, drita dhe ngrohje”

“Presidenti Putin po dështon në Ukrainë. Ai po reagon me më shumë brutalitet, duke sulmuar infrastrukturën e gazit, linjat e energjisë elektrike dhe po përpiqet t'i lërë ukrainasit pa ujë, energji elektrike, drita dhe ngrohje”, tha zoti Stoltenberg.

Rusia ka kthyer pjesë të Detit të Zi në një zonë lufte. Ne shohim raketa nga luftanijet që bijnë mbi qytete të Ukrainës"

“Rusia ka kthyer pjesë të Detit të Zi në një zonë lufte. Ne shohim raketa nga luftanijet që bijnë mbi qytete të Ukrainës. Forcat ruse, natyrisht, bllokojnë portet e Ukrainës, duke shkaktuar atë që ka qenë kriza më e keqe e sigurisë ushqimore në vite”, tha Sekretari amerikan i Shtetit, Antony Blinken.

SHBA-ja njoftoi se do i jap Ukrainës mbi 53 milionë dollarë ndihmë për rrjetin elektrik, krahas 55 milionë dollarëve në ndihma urgjente për gjeneratorë për të ndihmuar në rivendosjen e energjisë dhe ngrohjes.

XS
SM
MD
LG