Presidenti Bush u dërgoi mesazhe urimi myslimanëve në Shtetet e Bashkuara me rastin e Bajramit.
Me anë të një deklarate të publikuar sot, zoti Bush vuri në dukje se gjatë Bajramit shumë muslimanë treguan dhemshurinë e tyre, duke u shtrirë dorën njerzve me më pak fat.
Presidenti tha se këtë vit shumë myslimanë amerikanë kanë ndihmuar viktimat e uraganëve në Shtetet e Bashkuara dhe të tërmeteve në Azinë Jugore. Bajrami filloi dje në një pjesë të botës islamike dhe sot në pjesën tjetër.