Një grup zyrtarësh nga Kosova ndodhen në Shtetet e Bashkuara për t'u njohur me probleme të administrimit të pushtetit, etikën dhe luftën kundër korrupsionit. Kryetari i Komisionit të parlamentit të Kosovës për buxhetin, Naser Osmani, tha se në Kosovë duhen shtuar përpjekjet për të krijuar mekanizmat e nevojshme për luftën kundër korrupsionit. Zoti Osmani tha se nuk mendon se ka keqpërdorim të buxhetit të parlamentit, por mos respektim të procedurave që kanë të bëjnë me pagesat financiare.