Zyrtarët në gjykatën e Hagës thanë se e nxorrën nga salla e gjyqit udhëheqësin e partisë ultranacionaliste serbe pasi ndërpreu dëgjimin për mënyrën e procedurës së gjykimit të tij.
Vojislav Sheshel ndërpreu procesin gjyqësor sot sa herë që avokatët e caktuar nga gjykata për mbrojtjen e tij u përpoqën të marrin fjalën.
Vojisllav Sheshel përballet me akuza për persekutim, vrasje dhe tortura të qytetarëve jo-serbë gjatë konfliktit të viteve ‘90 në ish Jugosllavi. Udhëheqësi i Partisë Radikale serbe i quajti avokatët spiunë dhe kërkoi që kryegjykatësi t’i nxirrte ata ose vetë atë nga salla e gjyqit.
Zyrtarët e gjykatës nxorën të pandehurin nga salla pasi ai nuk përfilli disa paralajmërime të gjykatësit.
Gjykata e Hagës i mohoi zotit Sheshel të drejtën për t’u vetmbrojtur pasi ai ndërpreu seancat paragjyqësore.
Muajin e kaluar dhoma e apeleve të gjykatës i ktheu atij të drejtën të vetmbrohej. Por i caktoi dy avokatë mbrojtës për ta këshilluar.