Në Izrael, po shtohet presioni ndaj kryeministrit Ehud Olmert për të dhënë dorëheqjen pas publikimit të një raporti tepër kritik lidhur me mënyrën se si qeveria e zhvilloi luftën kundër Hezbollahut vitin e kaluar.
Një ministër i kabinetit izraelit, i cili dha dorëheqjen sot, një ditë pas publikimit të raportit, bëri gjithashtu thirrje për dorëheqjen e kryeministrit Ehud Olmert.
Eital Cabel, ministër pa portofol, tha se publiku izraelit ka humbur besimin tek zoti Olmert.
Një anketë e opinionit publik në Izrael tregon se 69 përqind e personave të anketuar mendojnë që kryeministri Olmert duhet të japë dorëheqjen. Për dorëheqjen e zotit Olmert bëri thirrje edhe media izraelite.
Edhe disa anëtarë të partisë Kadima të kryeministrit kanë kërkuar dorëheqjen e tij, megjithëse shumica e tyre e mbështesin zotin Olmert. //iç//