Policia gjermane thotë se arrestoi sot më shumë se 250 protestues pranë një gardhi sigurie në afërsi të qytetit turistik Hailigendam, ku po zhvillohet takimi i nivelit të lartë të 8 vendeve më të industrializuar.
Policia interceptoi gjithashtu dy motoskafë me ambjentalistë të cilët u përpoqën të çajnë kordonin e sigurisë që rrethon Hailigendamin. Policia i ndoqi motoskafët me një aksion dramatik i cili përfundoi kur një anije me policë goditi një motoskaf me aktivistë të organizatës Greenpeace.
Disa nga aktivistët përfunduan në ujë por nuk pati njoftime për dëmtime serioze. Një zëdhënës i organizatës tha se protestuesit po përpiqeshin të dorëzonin një peticion në takimin e nivelit të lartë ku kërkoheshin masa për mbrojtjen e klimës. //rd//