Përfaqësues të investimeve të huaja vlerësojnë
përmirësimin e klimës së biznesit në Shqipëri dhe
angazhimin e qeverisë për të lehtësuar procedurat
burokratike në punën e tyre.Artan Agolli, menaxher i zhvillimit të biznesit në
kompaninë "Bankers Petroleum", thotë se ekonomia po
fuqizohet, së bashku me një seri reformash ekonomike.
"Një nga arritjet e qeverisë është nisma "One stop
shop" për regjistrimin e biznesve, që do të ndikojë në
thithjen e investimeve direkte në një klimë më
mikpritëse. Edhe vazhdimi i suksesit të "Bankers
Petroleum" në Shqipëri është një provë e kësaj
atmosfere të frytshme për ekonominë e vendit" - tha
ai.Zoti Agolli i "Bankers Petroleum" thotë se megjithatë
nevojat janë ende të mëdha dhe ekonomia shqiptare
është ende në situatë emergjence, ku mungojnë
infrastruktura dhe energjia elektrike. "Gjërat po
shkojnë më në fund në drejtimin e duhur. Konstatoj se
edhe investitorë të tjerë, nën-kontraktorë apo edhe
aleatë strategjikë po vijnë në Shqipëri dhe po
shprehin interes për të punuar këtu. Po fryn një erë e
re dhe kjo është padyshim një gjë e mirë për gjithë
ekonominë dhe vendin në tërësi" - tha zoti Agolli.Edhe vëzhgues të tjerë japin vlerësime për ndryshimet
në ekonominë shqiptare. Vojtec Ksiashkievic,
zv.president i kompanisë "Lavalin International",
thotë se përshtypjet e tij nga Shqipëria dhe situata e
saj ekonomike janë shumë të mira. "Ky është një vend
shumë tërheqës me njerëz të dashur dhe klima e
biznesit është ajo e duhura dhe po përmirësohet më
tej. Grupi ynë ndërkombëtar ka disa projekte
industriale për në Shqipëri në energjitikë, naftë dhe
industri" - tha zoti Ksiashkievic.Sipas tij, investimet e huaja janë duke u shtuar dhe
ato po e rritin ekonominë dhe cilësinë e jetës së
njerëzve në Shqipëri. Ai tha se qeveria shqiptare ka
një përfytyrim të qartë për të ardhmen e ekonomisë
shqiptare. Ajo e di shumë mirë se ku po e con
ekonominë, vetëm se duhet pak durim nga të gjitha
palët.Zoti Ksiashkievi i "Lavalin International" thotë se
për kompanitë e huaja do të ishte më mirë që të
merrnin pjesë në privatizimin e ndërmarrjeve
ekzistuese sesa te ngrejnë ndërkarrje tërësisht të
reja, sepse të parat kanë një emër të njohur, kanë
procese të gatshme dhe janë pa probele ligjore."Tani që korrupsioni në Shqipëri po luftohet dhe po
ulet, privatizimi në Shqipëri do të arrijë suksese të
tjera, sepse si në Shqipëri, ashtu dhe në vende të
tjera ish-komuniste privatizimi i ndërmarrjeve
shtetërore është frenuar mjaft nga korrupsioni", tha ai.//iç//