Një gjykatë ushtarake në Moskë dënoi një oficer rus me shtatë vjet burg pasi e shpalli fajtor se kishte zhvilluar veprimtari spiunazhi në shërbim të Polonisë.
Një zëdhënës i gjykatës tha se majori Sergei Jurenia pranoi se kishte marrë para për t’i dhënë informacione sekrete ruse Polonisë gjatë një periudhe 2-vjeçare që nga viti 2005.
Zoti Jurenia u arrestua në muajin mars, pasi u përpoq të hynte në Shërbimin Federal të Sigurisë, organizata që pasoi KGB-në sovjetike.//lk