Lidhje

Arrihet marrëveshje në Kenia


Udhëheqësit politikë të Kenias kanë rënë dakord për një plan të përbashkët për t’i dhënë fund dhunës pas zgjedhore në vend që ka lënë rreth 850 të vrarë.

Ish Sekretari i Përgjithëshëm i Kombeve të Bashkuara, Kofi Anna, tha se palët ranë dakord për një platformë katër pikash për bisedimet që ai po kryeson në kryeqytetin e Kenias, Nairobi.

Zoti Annan tha se të dy palët besojnë se mund të vënë në jetë tri pikat e para të marrëveshjes brenda 15 ditësh. Ai tha se ato përfshijnë marrjen e masave të menjëherëshme për përfundimin e dhunës, përgjigjen ndaj krizës humanitare në Kenia dhe zgjidhjen e krizës politike që u bë shkak për shpërthimin e dhunës.

Nuk ka ende njoftime lidhur me mënyrën se si palët do t’i trajtojnë këto probleme dhe pikën e katërt të planit, zgjidhjen afat-gjatë të tensioneve politike në Kenia.

Udhëheqësi i opozitës keniane, Raila Odinga, akuzon Presidentin Mwai Kibaki për manipulimin e zgjedhjeve të muajit të kaluar. Protestat që shpërthyen pas zgjedhjeve u shdërruan më pas në dhunë fisnore. //rd//

XS
SM
MD
LG