Sot në Beograd do të mbahet një protestë kundër shpalljes së pavarësisë së Kosovës. Kryeministri Vojislav Kostunica pritet t’u flasë demonstruesve para godinës së parlamentit.
Shpallja e pavarësisë së Kosovës të dielën u prit me protesta në gjithë Serbinë dhe në zonat e populluara nga serbët në veri të Kosovës, Bosnje dhe zona të tjera.
Beogradi e ka quajtur këtë veprim të paligjshëm dhe po tërheq ambasadorët nga vendet që po njohin pavarësinë e Kosovës.
Bullgaria dhe Sllovenia që mban kryesinë e radhës të Bashkimit Evropian, u kërkuan dje udhëheqësve serbë që të përpiqen për integrimin e mëtejshëm në Bem dhe jo të izolojnë popullin e vet në lidhje me Kosovën.
Po dje, paqeruajtësit ndërkombëtarë rihapën dy postblloqe kufitare mes Kosovës veriore dhe Serbisë qendrore, të cilat u dogjën nga serbët të martën, në shenjë proteste ndaj pavarësisë së Kosovës. //kk//