B-52 ka qënë një kompleks i muzikës “pank” dhe një stili të ri të “rrok end rollit” në vitet 80-të dhe në fillim të viteve 90-të. Ky grup ka nxjerrë kohët e fundit një album të ri pas një ndërprerje të rigjistrimeve të tij për 16 vjet.
Kliko: “Legal Tender”
Kjo është kënga "Legal Tender" që B-52 e incizoi në vitin 1983 në albumin "Whammy". Si të gjitha këngët e kësaj bande, "Legal Tender" është gazmore dhe ka një ritëm kërcimi.
Anëtarët e kompleksit B-52 janë Kate Pierson, Fred Schneider, Keith Strickland dhe Cindy Wilson. Por kur doli në qarkullim albumi "Whammy", në këtë grup bënte pjesë edhe vëllai i Cindy Wilson-it Ricky Wilson. Atëhere këta pesë të rinj vendosën të krijonin një grup muzikor ndërkohë që ishin mbledhur për të pirë diçka në një restorant kinez në Athens të Georgia-s.
Albumi i tyre e parë, që mban edhe emrin e grupit, "The B-52's" doli në qarkullim në vitin 1979. Kënga "Rock Lobster" e këtij albumi u ngjit në vendin e tretë të listës së revistës popullore të musikës, Billboard. Po nga ky album, kjo është kënga "Dance This Mess Around"
Kliko: “Dance This Mess Around”
Ricky Wilson vdiq në vitin 1985 dhe për disa vjet pas kësaj humbjeje, grupi mbajti zi dhe kariera e tij u dëmtua. Por në vitin 1989, B-52 nxorrën albumim "Cosmic Thing", që është edhe albumi i tyre më i mirë. "Roam" është një nga këngët e këtij albumi
Kliko: “Roam”
B-52 thotë se albumi i tij më i fundit, "Funplex" është modern dhe për veshjet dhe krehjen thotë se do të vazhdojë të dalë në skenë me stilin e tij tradicional të veshjes dhe krehjes. B-52 do të japë shfaqje në mbarë Shtetet e Bashkuara deri në mes të verës. Nga ky album të dëgjojmë "Keep This Party Going", me të cilën i japim fund edhe këtij edicioni të Zërit të Amerikës. Ju falenderojmë për vemendjen dhe ju urojmë një të djelë të këndëshme.
Kliko: “Keep This Party Going” //iç//
