Sipas kryetarit socialist aspekti më i prekshëm e siç u shpreh ai dramatik për shqiptarët është shtrenjtimi galopant i jetesës dhe rënia e fuqisë blerëse së familjeve shqiptare gjë e cila sipas opozitës zhvlerëson rritjet e rrogave dhe pensioneve nga ana e qeverisë.
Por qeveria edhe mbrëmë gjatë debatit për buxhetin, që zgjati deri në orët e para të mëngjesit, e vlerësoi atë me tone tejet optimiste dhe si më të madhin në vlerë, afër 5 miliard dollarë, të hartuar ndonjëherë nga një qeveri në Shqipëri.
Sipas projektit pagat dhe pensionet do të rriten 15 përqind,
ndërsa rritja ekonomike parashikohet po në nivelet e 6 përqind, ndonëse Fondi
Monetar flet për një nivel 3.5 deri 4 përqind si pasojë e efekteve të krizës
financiare globale. Miratimi në parim i buxhetit u shty për të hënën e ardhshme
pas largimit nga salla të opozitës. //kk//