Lidhje

Greqi: Të rinj protestues thyejnë xhamat e Institutit Francez


Policia greke thotë se rreth 20 të rinj thyen sot xhamat e Institutit Francez në Athinë, qendër e kulturës dhe gjuhës franceze të kryeqytetit, ndërsa protestat vazhdojnë që prej dy javësh, pas vrasjes së një adoleshenti nga policia. Zyrtarët thanë se në incidentin e sotëm nuk pati të plagosur. Sindikatat kryesore të Greqisë kanë organizuar mitingje pranë Parlamentit për të protestuar kundër buxhetit qeveritar për 2009-n. Rreth 7 mijë protestues marshuan dje në qendër të Athinës. Më pas, qindra prej tyre u shkëputën nga mitingu dhe filluan të hedhin gurë dhe bomba zjarri ndaj policisë, që u kundërpërgjigj me gaz lotsjellës për shpërndarjen e turmave. Policia e Athinës tha se 8 vetë u arrestuan gjatë dhunës së djeshme.

XS
SM
MD
LG