Kreu i Fondit Monetar Ndërkombëtar tha se ekonomia botërore ka të ngjarë të
tkurret këtë vit në atë që disa po e quajnë si Recesion të Madh.
Dominique Strauss-Kahn tha sot në një konferencë në Tanzani se ulja e tregtisë botërore ka të ngjarë të dëmtojë ekonomitë afrikane.
Ndërkohë kreu i rezervës federale amerikane, Ben Bernanke, paralajmëroi se nuk mund të arrihet një mëkëmbje ekonomike e qëndrueshme pa regulla financiare bashkëkohore.
Zoti Bernanke tha se zyrtarët amerikanë dhe në botë do të dështojnë në se përqëndrohen vetëm në forcimin e rregullave për sektorë të veçantë të ekonomisë, si bankat.
Ndërkohë, ligjvënësit amerikanë po fillojnë punën për legjislacionin që
synon përmirësimin e rregullave financiare, ndërsa zyrtarët përgatitet të
takohen në Londër për takimin e grupit të 20shes. //ad//