Në Maqedoni po shtohen reagimet ndaj planit të qeverisë për ndërtimin e një kishe orthodokse në sheshin e kryeqytetit. Kryeministri Nikolla Gruevski thotë se Shkupi duhet të ketë një kishë në shesh ashtu si kanë metropolet evropiane. Ndërkohë, Bashkësia Islame në vend kërkon ndërtimin e një xhamie që ka ekzistuar po në shesh deri në vitet '20 të shekullit të kaluar. Çështja ka kaluar në Gjykatën Kushtetuese e cila pritet të marrë një vendim.