Fondi Monetar Ndërkombëtar vlerëson se qeveria e Maqedonisë po e përballon mirë krizën financiare, ndërkohë që u ka ofruar autoriteteve në Shkup ndihmë financiare, nëse rritet defiçiti buxhetor i këtij vendi. Qeveria është e bindur se mund ta kapërcejë krizën me kapacitetet e veta. Nga ana tjetër, prodhimi i metalurgjisë po shënon rënie dhe qindra punëtorë, si pasojë, kanë mbetur pa punë.