Mali i Zi nënshkroi me Bankën Europiane të Investimeve një marrëveshje për një kredi 128 milion dollarëshe e cila do ta ndihmojë vendin të përballojë recesionin ekonomik.
Banka Europiane tha se paratë do të përdoren për të ndihmuar bankat malazeze të financojnë bizneset e vogla që janë prekur rëndë nga kriza ekonomike globale.
Paratë do të investohen gjithashtu në projekte për mbrojtjen e mjedisit.
Banka tha se zyrtarët e Malit të Zi i kishin kërkuar ndihmë për shkak të ngadalësimit të ekonomisë së vendit që dikur ishte në lulëzim.
Banka Europiane e Investimeve është një degë e Bashkimit Europian.