Kandidatja e caktuar nga presidenti Obama për postin e anëtares së gjyklatës së lartë, Sonia Sotomajor, thotë se nuk do të lejonte që pikëpamjet e saj personale, simpatitë ose prejardhja e saj etnike të ndikojnë në vendimet e saj nëse konfirmohet për në gjykatën e lartë. Megjithëse ajo pritet të konfimohet, në ditën e dytë të seancave të komisionit të senatit për çështje juridike, gjykatësja Sotomajor iu përgjigj një numri pyetjesh nga ana e senatorëve.
Senaca e
djeshme i dha mundësi gjykatëses Sotomajor që t'u përgjigjej me hollësi
kritikave nga ana e republikanëve që thonë se disa prej deklaratave të saj në
të kaluarën lënë të kuptohet se ajo do të lejonte etnicitetin ose pikëpamjet e
veta personale të ndikonin në vendimet që do të merrte si anëtare e gjykatës e
e lartë.
Kryetari i
Komisionit, senatori demokrat Patrik
Leahy, i kërkoi gjykatëses Sotomajor të shpejgonte komentet që kishte bërë gjatë
një simpoziumi në vitin 2001 kur pati thënë se një latine e zgjuar mund të
marrë vendim më të mirë sesa një i bardhë që nuk ka të njëjtën përvojë jetese.
Gjykatësja Sotomajor tha se këto komente ishin bërë për një grup të përbërë kryysisht nga gra avokate, dhe student hispanikë, me qëllim për t'i frymëzuar ata.
"Unë betohem
para jush, se nuk besoj se ndonjë grup etnik, racor a gjinor ka përparësi në
marrjen e një vendimi bazuar në gjykim të drejtë. Unë besoj se çdo person ka
mundësi të barabarta për t'u bërë një gjykatës i mirë, pavarësisht nga
prejardhja ertnike apo përvoja jetësore" - tha ajo
Pas
kësaj, anëtari i Komisionit, senatori
republican Jeff Session i tha gjykatëses se ajo vazhdimisht e ka përsëritur
këtë deklaratë dhe i kërkoi të shpjegonte se si mund ët jetë e mundur që
përvoja jetësore, gjinia, apo prejardhja etnik e racore nuk mund të kenë
rëndësi. Gjykatësja Sotomajor tha se ajo beson se përvoja jetësore ka rëndësi në
procesin e gjykimit në aspektin se e ndihmon njeriun të dëgjojë me vemendje dhe
të kuptojë, por është ligji që e drejton gjykatësin drejt fakteve që lidhen me
çështjen.
Senatorët
gjithashtu e pyetën gjykatësen Sotromajor nëse beson në vendimin e Gjykatës së
Lartë të vitit 1973 mbi të drejtën e gruas për abortin. Zonja Sotomajor iu përgjigj
se e drejta vetiake që përfshihet në kushtetutë, është një bazë ligjore për të
drejtën e gruas për të zgjedhur abortin.
Nëse
konfirmohet nga komisioni për çështje juridike dhe nga i gjithë Senati, zonja Sotomajor do të bëhej hispanikja e pare
dhe gruaja e tretë në historinë amerikane që zgjidhet në gjykatën e lartë prej
9 anëtarësh. //mm//