Rajoni i vendeve baltike po ndeshet me recesionin më të thellë mes vendeve të BE-së, ndryshe nga disa vjet më parë, kur ish-republikat sovjetike gëzonin një begati më të madhe se vendet e tjera të ish-kampit sovjetik.
Shifra të reja të publikuara sot tregojnë se ekonomia e Letonisë u tkurr me 19,6 për qind tremujorin e fundit, krahasuar me të njëjtën periudhë vitin e kaluar.
Kjo është rënia më e madhe e një vendi të BE-së pas vendit fqinj, Lituanisë, që kohët e fundit njoftoi një rënie prej 22,4 për qind të prodhimit të përgjithshëm neto për tremujorin e dytë.
Rajoni baltik, që përfshin gjithashtu Estoninë, po ndeshet me rënien e madhe të çmimeve dhe me një rënie të prodhimit.
Anëtarja tjetër e BE-së Rumania, po ashtu po lufton me ndikimet e krizës globale financiare.
FMN-ja paralajmëron se ekonomia mund të tkurret me rreth 8,5 për qind, ndërsa deficiti i buxhetor mund të rritet në 7,3 për qind të prodhimit të brendshëm bruto. //ii