Në misionin paqeruajtës në Afganistan veprojnë edhe 251 trupa komando shqiptare. Sipas ministrisë shqiptare të mbrojtjes për ushtarakët nga Shqipëria nuk ka patur asnjë problem gjatë ditës së sotme
Ministri i Mbrojtjes Gazmend Oketa foli sot në telefon me komandantët e dy kontingjenteve shqiptare të dislokuara në Kabul dhe Herat të cilët kanë konfirmuar se misioni i tyre vazhdon me sukses pa asnjë incidet të shënuar. Ministri i Mbrojtjes Oketa ka njoftuar se do të qëndrojë në kontakt të vazhdueshëm me trupat shqiptare deri në përfundim të procesit zgjedhor atje.
Shqipëria e cila që prej prillit të kaluar është një vend anëtar i Natos pak javë më parë vendosi që të shtojë praninë e trupave të saj në Afganistan dhe javën e kaluar nisi me urgjencë një tjetër kompani, pikërisht për të ndihmuar në masat përforcuese që janë marrë me rastin e zgjedhjeve presidenciale.
Mbi 200 trupa
shqiptare veprojnë në Herat, nën komandën italiane, një zonë e konsideruar
relativisht e qetë dhe ku gjatë ditës së sotme nuk janë regjistruar incidente
problematike me forcat talebane të cilat kanë kërcënuar popullsinë civile që do
të merrte pjesë në votime. //ad//