Maqedonia është në pritje të zgjidhjes së problemit të emrit që e ka me
Greqinë fqinje. Komisioni Evropian pret që çështja të zgjidhet deri
para datës shtatë dhjetor, në mënyrë që Shkupit t'i mundësohet fillimi
më i shpejtë i bisedimeve për antarësim në Bashkimin Evropian. Por,
analistët dhe faktorët politikë në Maqedoni mendojnë se ky problem
madhor është vështirë të zgjidhet brenda një kohe kaq të shkurtër. Të
premten pritet të takohen kryeministrat e te dy vendeve për të
diskutuar mbi problemin.