Në Kosovë, diplomati austriak Albert Rohan, ish zëvendës i
kryenegociatorit të Kombeve të Bashkuara për statusin e Kosovës, tha se
pavarësia e saj është e pakthyeshme, ndërsa u bëri thirrje të gjitha
forcave politike të bashkohen për kapërcimin e sfidave që ndesh shteti
i ri. Zoti Rohan te cilit iu shpreh nje mirënjohje e veçantë për rolin
e tij në procesin e zgjidhjes së statusit të Kosovës, tha se procesi në
Gjykatën Ndërkombëtare të Drejtësisë ka penguar shtimin e njohjeve për
pavarësinë e Kosovës, ndërsa mungesa e konsensusit në Bashkimin
Evropian po pengon stabilizimin e Ballkanit.