Organizatat joqeveritare që mbrojnë të drejtat e njeriut në Shqipëri
publikuan për herë të parë sot në Tiranë një raport vjetor për gjendjen
e të drejtave njerëzore gjatë vitit 2009.
Përfaqësuesit e këtyre
organizatave pohuan se hartimi i një raporti të tillë të integruar nga
veprimtarët shqiptare për të drejtat njerëzore u bë i domosdoshëm, për
shkak se shumë raporte të tjera ndërkombëtare në këtë fushë përdorin
ose citojnë shoqatat vendase në mënyre të pasaktë ose të paplotë.