Në Kosovë, Komisioni Qendror i Zgjedhjeve, ende nuk ka arritur të marrë një vendim të prerë nëse do të ketë apo jo rivotime në komunën e Gjilanit dhe nuk ka caktuar ndonjë afat se deri kur duhet të ndodhë një gjë e tillë. Më 31 janar ndërkaq rivotohet në dy komuna tjera të Kosovës. Zgjedhjet lokalë, të parat që nga shpallja e pavarësisë së vendit, jane vlerësuar si teper te rendesishme për shtetin e ri, ndërsa përplasjet ndërmjet dy partive më të mëdha kanë vënë ne fakt në provë edhe vetë koalicionin qeverisës.