Përmbytjet masive të ketij fillim viti përfshinë 9 komuna të zonës së
Nënshkodrës si dhe disa lagje të qytetit. Rreth 12 mijë hektarë toke
bujqësore u përmbytën e, bashkë me to, edhe rreth 3000 shtëpi
banimi. Mes zonave më të dëmtuara nga përmbytjet ishte edhe fshati Obot,
në komunën e Dajçit, fshat i cili për 23 ditë u shndërrua në një
ishull, ku mund të shkojë vetëm me ndihmën e varkave të ushtrisë dhe
policisë. Korrespondenti i Zërit të Amerikës, Pellumb Sulo ishte në
këtë fshat, ku ujërat janë tërhequr dhe banorët po shohin dëmet e
shkaktuara.