Në Shkodër, vazhdon te jetë e rënduar situata e krijuar ditët e fundit nga përmbytjet, të cilat përfshinë 8 komuna dhe disa lagje periferike të qytetit. Autoritetet e emergjencave civile thanë sot se po paksohet niveli i shkarkimeve nga hidrocentralet e Kaskadës së Lumit Drin, gjë që ka ndikuar në frenimin e zgjerimit të sipërfaqeve të përmbytura. Zona e Nënshkodrës u përmbyt për të dytën herë brenda këtij viti, duke shkaktuar dëme mjaft të mëdha materiale.