Në zonën e Nënshkodrës vazhdojnë të jenë të përmbytura rreth 5500 hektarë tokë bujqësore dhe një numër banesash. Forca të shumta të ushtrisë gjenden në zonë, ku krahas mbështetjes së popullatës së rrezikuar, po punojnë për riparimin e argjinaturave të dëmtuara. Korrespondenti i Zërit të Amerikës, Pëllumb Sulo, ishte në komunën e Velipojës, ku forcat e ushtrisë po punojnë për riparimin e njërës prej argjinaturave më të rëndësishme të Nënshkodrës, asaj të fshatit Ças.