Partia Socialiste mblodhi sot kryesinë e saj për të diskutuar rreth formimit të qeverisë së re dhe bashkëpunimit me partitë aleatët. Mbledhja nuk arriti të marrë vendime dhe u shty për ditën e nesërme, kur do të shqyrtohet struktura e qeverisë e paraqitur nga kryeministri Ilir Meta, si dhe emrat e kabinetit të ri. Burime brenda mbledhjes i thanë Zërit të Amerikës se ka patur debate mes kryetarit Nano dhe kryeminsitrit Meta lidhur me skemën e qeverisë së ardhshme.
Koalicioni opozitar ”Bashkimi për Fitore” ka thirrur 46 deputetët e tij për të vendosur rreth qendrimit të adhshëm politik.