Sekretari amerikan i Shtetit la të kuptohet se një fushatë ushtarake në Afganistan kundër Osama bin Ladenit dhe rrjetit të tij Al-Qaida do të jetë vetëm hapi i parë i luftës së Shteteve të Bashkuara kundër terrorismit.
Zoti Powell u tha gazetarëve dje se përpjekjet kundër terrorismit po përqëndrohen tek Al-Qaida dhe udhëheqësi i saj bin Laden, i dyshuari kryesor i sulmeve terroriste të 11 shtatorit për Washingtonit. Por zoti Powell tha se kjo është faza e parë e operacionit, duke shtuar se nuk mund të komentonte në atë çfarë mund të ndodhi në të ardhmen.
Në një intervistë me gazetën New York Times, sekretari Powell tha se Shtetet e Bashkuara u kanë treguar aleatëve dhe qeverive të moderuara arabe se Washingtoni ka fakte kundër zotit bin Laden.