Pjesa më e madhe e vendeve të Lindjes së Mesme mbështesin luftën e udhëhequr nga Shtetet e Bashkuara kundër terrorizmit ndërkombëtar. Njëri ndër përkrahësit më të fuqishem është Bahreini. Shtetet e Bashkuara dhe Bahreini kanë një histori të gjatë bashkëpunimi ushtarak. Bahreini u ka dhënë Shteteve të Bashkuara një bazë për anijet detare amerikane të cilat patrullojnë Gjirin Persik. Bahreini ishte gjithashtu një bazë e rëndësishme ajrore për aeroplanët amerikanë në luftën e vitit 1991 për çlirimin e Kuvajtit nga pushtimi irakian.
Presidenti Bush kohët e fundit e cilësoi Bahreinin si “një Aleat të rëndësishëm të Shteteve të Bashkuara jo-anëtar i NATO-s”. Këtë deklartë Presidenti Bush e bëri në Shtëpinë e Bardhë gjatë një takimi me Princin trashëgimtar Salman bin Hamad Al-Khalifa. Ky klasifikim i jep Bahreinit mundësi më të mëdha për stërvitje ushtarake dhe studime shkencore në Shtetet e Bashkuara. Gjithashtu, kjo e bën më të lehtë për Bahreinin të blejë armë amerikane.
Së bashku me shumë vende të tjera, Bahreini është bashkuar me Shtetet e Bashkuara në luftë kundër përgjegjësve për vepra të tilla terroriste si sulmet e 11 shtatorit kundër Qendrës Botërore të Tregtinë dhe Pentagonit. Terroristët pa të drejtë pretendojnë se vepruan në emër të islamizmit. Por Princi Trashëgimtar i Bahreinit Al-Khalifa theksoi se koalicioni po bën luftë kundër terrorizmit e jo kundër fesë islame. Ai tha se “e gjithë bota arabe dhe islame i dënojnë sulmet terroriste të 11 shtatorit.”
Princi Trashëgimtar i Bahreinit, Al-Khalifa, tha se të gjithë dëshirojmë që konflikti në Afganistan të zgjidhet sa më parë që të jetë e mundur. Por ai theksoi se sulmet e udhëhequra nga Shtetet e Bashkuara duhet të vazhdojnë deri sa të përfundojë misioni, e bile edhe gjatë muajit të shenjtë të Ramazanit, nëse ka nevojë, që fillon nga mesi i nëntorit. Siç theksoi edhe Princi trashigimtar i Bahreinit, Al-Khalifa “Në të kaluarën janë bërë luftra edhe gjatë Ramazanit.”
Është më se e qartë se lufta e tanishme kundër terrorizmit nuk është luftë kundër fesë myslimane. Siç tha edhe nën-presidenti Dick Cheney “Kjo është një luftë për të shpëtuar boten e qytetruar dhe vlerat e përbashkëta të Perëndimit, të Azisë dhe botës Islame. Kjo është një luftë kundër të keqes, tha nën-presidenti Cheney, kundër një armiku i cili ngazëllehet me vrasjen e njerëzve të pa-fajshëm dhe të çiltër. Kjo është arsyeja që njerëzit nga rajone të ndryshme të botës dhe nga të gjitha besimet fetare janë të bashkuar kundër këtij armiku të përbashkët.