Agjencia e Kombeve të Bashkuara për refugjatët thotë se mbi 50 mijë boshnjakë janë kthyer këtë vit në shtëpitë që kishin para luftës.
Një zëdhënës i Komisionerit të Lartë të Kombeve të Bashkuara për Refugjatët thotë se gjatë gjashtë muajve të parë të këtij viti, 24 mijë myslimanë të Bosnjes, 22 mijë serbë dhe mbi 6 mijë kroatë u kthyen në shtëpitë e tyre.
Agjencia e Kombeve të Bashkuara thotë se është e kënaqur me rritjen numrit të refugjatëve të kthyer, por shtoi se përpjekjet për rindërtim të bashkësisë ndërkombëtare dhe zyrtarëve në Bosnje-Hercegovinë duhet të ecin me të njëjtin ritëm me kthimet.
Sipas Marrëveshjes së Deitonit për Paqe që i dha fund konfliktit boshnjak, Bosnja u nda në Federatën Myslimano-Kroate dhe Republikën Serbe të Bosnjes.
Mijëra njerëz u vranë në luftë dhe mbi një milion të tjerë u detyruan të lënë shtëpitë e tyre.