Porta e Brandenburgut në Berlin, ish simboli i Gjermanisë së ndarë, do të përurohet të enjten pas një pune restauruese, me rastin e 12 vjetorit të bashkimit të Gjermanisë.
Për gati 2 vjet, Porta e ndërtuar fillimisht në vitin 1791, ka qënë e mbuluar me perde, për të riparuar dëmet që iu bënë gjatë Luftës së Dytë Botërore si dhe për ta restauruar.
Ndër personalitetet që do të marrin pjese në ceremoninë e sotme është edhe ish-presidenti Bill Klinton.
Gjatë viteve të Luftës së Ftohtë Porta e Brandenburgut ishte praktikisht e paaritshme, në një zonë ku askush nuk futej dot brenda Berlinit Lindor.
Presidentët John Kennedy dhe Ronald Reagan kanë mbajtur fjalime në afërsi të saj kundër regjimeve komuniste.
nazistët e përdorën Portën si simbol dhe Napoleoni grabiti një pjesë të saj pas pushtimit të Berlinit në fillim të shekullit të 19.
Më 3 tetor 1990, ish-Gjermania Lindore pushoi së funksionuari dhe u integrua me Republikën Federale Gjermane. //kk//