Zyrtarët e Parlamentit Europian thonë se Kryeministri italian Silvio Berlusconi shprehu keqardhje për fyerjen që i bëri një ligjvënësi gjerman duke e krahasuar atë me roje të një kampi përqendrimi nazist.
Një zëdhënës i Parlamentit Europian thotë se zoti Berlusconi shprehu keqardhjen për përdorimin e shprehjeve që kishin ofenduar disa anëtarë të Parlamentit Europian.
Parlamenti Europian i kërkoi zotit Berlusconi të kërkonte falje publike kur ai e krahasoi një ligjvënës gjerman me një aktor të përshtatshëm në rolin e një rojeje kampi përqendrimi nazist, në një film të xhiruar në Itali.
Kryeministri italian i bëri komentet më 1 korrik, pas fjalimit të tij drejtuar Parlamentit Europian kur Italia mori kryesinë e rradhës së Bashkimit Europian.
Zoti Berlusconi i tha homologut të tij gjerman Kancelarit Gerhard Shrëder se komentet e tij ishin keqintepretuar.//kk//