Autoritetet e Kombeve të Bashkuara në Kosovë kanë ekstraduar në Maqedoni dy persona të dënuar në mungesë për akte terroriste.
Ministria e Brendëshme e Maqedonisë njoftoi dje se Xhemail Iseni, i njohur edhe si Jamie Shea, dhe Jakup Avdilj, i njohur si Çakalli, u dërguan në një qendër izolimi të Maqedonisë sot paradite.
Të dy këta persona u gjetën fajtorë për sulmet me bomba në Maqedoni, të paktën një prej të cilëve në qytetin e Kumanovës. Xhemail Iseni është dënuar me 7 vjet burgim për këto shpërthime, si dhe me 10 vjet burgim për vrasje. Ai u arrestua në Kosovë në dhjetor të vitit 2003.
Jakup Avdili iu dorëzua forcave paqeruajtëse ndërkombëtare në Kosovë në janar të këtij viti. Agjencia maqedone e lajmeve Makfax bën të ditur gjithashtu se ai është dënuar me 7 vjet burgim.// lk //