Mijëra sudanezë brohoritën kur Sekretari Amerikan i Shtetit Colin Powell vizitoi një kamp për personat e zhvendosur në rajonin perëndimor të Darfurit.
Refugjatët e rrethuan zotin Powell, ndërsa ecte në rrugët e kampit dhe përmes tregjeve të vogla në periferi të kryeqytetit krahinor, El Fasher.
Zoti Powell tha se Shtetet e Bashkuara duan që forcat arabe të mbështetura nga qeveria t’i ndalin sulmet ndaj civilëve zezakë afrikanë, në mënyrë që njerëzit të ndjehen të sigurt për t’u kthyer në shtëpitë e tyre. Mbi një milion banorë janë zhvendosur nga konflikti në Darfur.
Ndërkohë, Shtetet e Bashkuara kanë propozuar një projekt-rezolutë që do të vendoste një embargo armësh dhe një ndalim udhëtimi për forcat e armatosura arabe. Në projekt nuk parashikohet ndonjë masë kundër qeverisë sudaneze.