Në Irak, grupi terrorist i udhëhequr nga Abu Musabal-Zarkaui mori përgjegjësinë për vrasjen e të paktën 17 pjesëtarëve të forcave irakiane të sigurimit në qytetin verior të Mosulit.
Al-Kaida në Irak e shpalli këtë pretendim përmes një faqe interneti. Pretendimi nuk është vërtetuar nga burime të pavarura. Gjatë ditëve të fundit forcat amerikane kanë gjetur në Mosul trupat e më shumë se 50 personave, shumica pjesëtarë të personelit irakin të sigurimit, të cilët ishin ekzekutuar.
Më në jug, shpërthimi i një makine-bombë shkaktoi vdekjen e 5 civilëve në Samarra, njëra nga qendrat kryesore të kryengritësve në veri të Bagdadit.
Në jug të kryeqytetit, zyrtarë ushtarakë amerikanë thonë se dy marinsa u vranë, ndërkohë që trupat vazhduan sulmet dhe bastisjet kundër kryengritësve suni.
Ndërkaq, Irani ka ofruar të stërvisë rojet kufitare irakiane, si pjesë e përpjekjeve për të ndihmuar Bagdadin të forcojë kufirin e përbashkët prej 1 mijë e 600 kilometrash. //az//