Avionët e NATO-s kryen sot në mëngjes bombardime të rënda në kryeqytetin libian Tripoli.
Dëshmitarët dëgjuan të paktën 5 shpërthime me zhurmë në kryeqytet dhe panë shtëllunga tymi të përhapeshin nëpër qytet.
Zyrtarët e qeverisë libiane i shoqëruan gazetarët për të parë disa nga dëmet e shkaktuara.
Bombardimet kishin goditur një ndërtesë qeveritare që përdoret nga një agjenci qeveritare, kishin shkatërruar një kullë komunikimi dhe kishin thyer xhamat e një spitali.
Sipas disa njoftimeve, bombardimi mund të ketë goditur edhe kompleksin ku jeton Muamar Kadafi me familjen.