Nga muaji janar deri në korrik, në Kosovë kanë humbur jetën 69 veta si pasojë e aksidenteve në trafik. Në të njëjtën periudhë të vitit numri i përgjithshëm i aksidenteve është mbi 9 mijë. Statistikat flasin për zvogëlim të aksidenteve gjatë muajve të verës kur edhe shtohen lëvizjet e qytetarëve që hyjnë dhe dalin nga Kosova. Policia thotë se me gjithë zvogëlimin e numrit të aksidenteve dhe rritjes së gjobave, numri i viktimave mbetet ende shqetësues.