Komisioni afgan për vëzhgimin e zgjedhjeve thotë se ka skualifikuar 19 kandidatë që fituan në zgjedhjet parlamentare, pasi u zbuluan prova që mbështesin akuzat për manipulime.
Komisioni tha sot se kandidatët që dolën në vend të dytë dhe që do të kishin përfituar nga skualifikimet e sotme, gjithashtu u skualifikuan për të njëjtat arsye.
Një zyrtar tha se kandidatët nuk kanë të drejtën ta apelojnë vendimin.
Komisioni ka shqyrtuar rreth 2 mijë e 500 ankesa që konsideroheshin si serioze, pas zgjedhjeve të 18 shtatorit.
Votimet për parlamentin me 249 vende janë ndjekur me vëmendje nga aleatët perëndimorë të Presidentit Hamid Karzai, si provë e angazhimit të udhëheqësit afgan për të reformuar qeverinë e tij të korruptuar.