Në Prishtinë, që nga shtatë qershori e deri sot, është mbajtur panairi i librit. Botues nga Kosova, Shqipëria, Maqedonia, Mali i Zi dhe Presheva, ofruan rreth 1 mijë e 500 tituj të rinj librash dhe disa mijëra tituj më të vjetër. Organizatorët thonë se rrjedha e panairit i ka tejkaluar edhe parashikimet e tyre, ndërsa veçojnë si më të rëndësishëm faktin se të rinjtë janë ata që janë më të interesuarit për librin.