Lidhje

Fillojnë në Pekin bisedimet e nivelit të lartë SHBA-Kinë


Fillojnë në Pekin bisedimet e nivelit të lartë SHBA-Kinë
Fillojnë në Pekin bisedimet e nivelit të lartë SHBA-Kinë

Presidenti kinez Hu Xhintao hapi bisedimet e nivelit të lartë mbi çështjet ekonomike me Shtetet e Bashkuara duke premtuar të reformojë sistemin e monedhës kineze më mënyrë graduale dhe të pavarur.

Zoti Hu i bëri komentet sot në Pekin në hapje të Dialogut Strategjik Ekonomik me zyrtarët amerikanë, mes tyre edhe sekretarja amerikane e Shtetit Hillari Klinton dhe sekretari i Thesarit Timoti Gajtner.

Disa ligjvënës amerikanë duan që Kina ta lejojë juanin të fuqizohet sepse ata thonë se niveli i tij i tanishëm në krahasim me dollarin i bën eksportet kineze artificialisht të lira në tregjet amerikane. Kina e ka mbajtur vlerën e këmbimit mes juanit dhe dollarit fikse që nga viti 2008.

Zoti Gajtner e mirëpriti, siç tha ai, pohimin e Kinës se reforma e kursit të këmbimit është një pjesë e rëndësishme e axhendës më të gjerë të Pekinit. Ai tha gjithashtu se dy palët kanë interesa të përbashkëta në një sistem tregëtar global ku vendet konkurojnë me kushte të barabarta.

XS
SM
MD
LG