Departamenti amerikan i Drejtësisë do të sfidojë në gjyq kushtetueshmërinë e ligjit të ri të debatueshëm për imigracionin të miratuar nga shteti i Arizonës.
Një gjykatës federal do të dëgjojë sot gjithashtu argumetat nga avokatë të qeverisë së shtetit në çështjen gjyqësore federale që thotë se zbatimi i ligjit është një përgjegjësi federale dhe se ligji i Arizonës përbën shkelje të këtij autoriteti.
Ligji i Arizonës do të hyjë në fuqi këtë muaj. Ai kërkon që policia të ekzaminojë statusin e imigracionit të çdo personi në se ka dyshime se janë në vend ilegalisht.
Arizona do të bëhet gjithashtu shteti i parë që e bën imigracionin e paligjshëm një krim shtetëror duke shtuar dënimin ndaj atij që parashikon ligji i qeverisë federale.
