Uragani Earl po lëviz në veri pasi iu afrua bregut të Karolinës së Veriut duke sjellë shira dhe erëra të fuqishme në pjesën lindore të Shteteve të Bashkuara.
Drejtori i Qendrës Kombëtare të Uraganeve, Bill Read, tha se stuhia ka nisur të dobësohet ndërsa lëviz në oqeanin Atlantik, dhe mund të ulë fuqinë e uraganit.
Uragani Ërl është tani i kategorisë 1, niveli më i ulët i shkallës së matjes së fuqisë së uraganeve.
Sipas njoftimeve të fundit, stuhia ishte rreth 280 km në verilindje të Keip Hatteras në Karolinën e Veriut, me erëra me shpejtësi deri në 140 km në orë.
Paralajmërime për uraganë dhe stuhi tropikale janë bërë përgjatë brigjeve deri në shtetin Mein. Guvernatorët e Karolinës së Veriut, Virxhinias, Merilandit dhe Masaçusets kanë shpallur gjendjen e jashtëzakonshme.
Dhjetra mijëra njerëz u evakuuan nga ishujt e Karolinës së Veriut, por disa banorë qëndruan aty megjithë paralajmërimet.