Senati amerikan nderoi sot ish-senatorin Ted Stevens, që vdiq nga rrëzimi i një avioni të hënën, duke miratuar një rezolutë sot gjatë një seance të shkurtër.
Senatorët që janë me pushimet e verës, kishin rënë dakord paraprakisht që ta miratonin rezolutën për nder të ligjvënësit që e kishte përfaqësuar Alaskën për 40 vjet para se të largohej nga detyra në vitin 2008. Ai ishte republikani që kishte shërbyer më gjatë në historinë e Senatit.
Dy ligjvënës ishin të pranishëm për votimin me zë.
Senati miratoi gjithashtu ligjin për sigurinë e kufirit. Senatorët nga të dyja palët ranë dakord për miratim unanim për rezolutën për zotin Stevens dhe për legjislacionin, që u dha mundësi shumë anëtarëve që të mos ishin të pranishëm.