Pas kërkesave të shumta të opozitës në Maqedoni për zgjedhje të parakohëshme parlamentare, edhe kryeministri i vendit Nikolla Gruevski është shprehur në favor të zgjedhjeve, duke qenë i bindur se partia e tij do t’i fitojë ato. Ndërkohë, deputeti i Parlamentit Evropian dhe raportues për Maqedoninë, ish-ministri i jashtëm sllovak Eduard Kukan i cili po qëndron për vizitë në Shkup, tha se Evropa nuk do të ishte e bashkuar pa përfshirjen e vendeve të Ballkanit perëndimor në BE.