Një grup i njohur për të drejtat e njeriut po i bën thirrje Evropës Perendimore të ndalë deportimin e romëve në Kosovë duke thënë se ata përballen me diskriminim të gjerë dhe abuzime të të drejtave të njeriut atje.
Organizata Human Rights Watch e bëri thirrjen sot në një raport prej 77 faqesh ku dokumenton ato që i identifikon si probleme serioze të të drejtave të njeriut me të cilat përballen romët që kanë imigruar në Perëndim gjatë dekadës së kaluar dhe që u kthyen më pas mbrapsht.
Raporti thotë se romët e kthyer kanë përjetuar vështirësi për të marrë dokumenta indentifikimi dhe në marrjen e të drejtave të pronësisë. Vështirësitë në strehim, kujdes shëndetësor dhe shërbimet sociale janë gjithashtu probleme të dokumentuara në raportin e organizatës.
Grupi i të drejtave bën thirrje për një moratorium të menjëhershëm për kthimet e detyruara derisa kushtet të jenë përmirësuar.