Ministri i Jashtëm i Kosovës Enver Hoxhaj, i cili ndodhet për një vizitë zyrtare në Tiranë, dënoi sot bllokimin e kufirit me Serbinë, të paralajmëruar nga Lëvizja Vetvendosje
Një ditë më parë edhe ministria e jashtme shqiptare i cilësoi si esktremiste thirrjet për protestë të Lëvizjes Vetvendosje, drejtuesi I së cilës Albin Kurti, nga Tirana, ftoi edhe qytetarët shqiptarë që t’I bashkoheshin manifestimit te tyre në pikat e Merdares dhe Dheut te Bardhë.
Gjatë vizitës në Tiranë, ministri Hoxhaj nënshkroi me homologun e tij Edmond Haxhinasto edhe një marrëveshje sipas së cilës ambasadat e Shqipërisë në botë, do të ofrojnë shërbimet konsullore edhe për qytetarët e Kosovës në shtetet ku Kosova nuk ka përfaqësi diplomatike.