Alb-Shkenca mbledh studiuesit shqiptarë në Prishtinë

Studiues shqiptarë nga Kosova, Shqipëria, Maqedonia si dhe nga vendet tjera të botës janë mbledhur në Prishtinë në kuadër të takimit të Institutit Alb-Shkenca. Pjesëmarrësit thanë se kjo veprimtari do të shërbejë edhe si një tjetër hap drejt krijimit të një komuniteti shkencor mbarëshqiptar, i cili me autoritetin e tij mund të nxisë angazhim më të madh për problemet e shkencës dhe arsimit te lartë, por edhe problemet që lidhen me zhvillimin e shoqërisë civile shqiptare në tërësi.