Në Kosovë, udhëheqësit thanë se mbledhja e Këshillit të Sigurimit ishte një rast i mirë për të paraqitur përparimin e arritur në Kosovë dhe orientimin e saj për marrëdhënie të mira me fqinjët, përfshirë Serbinë. Në këtë kuadër, është vlerësuar lart qëndrimi i përkrahësve të Kosovës, sipas të cilëve, bisedimet e ardhshme Prishtinë - Beograd mbi çështjet praktike, nuk mund të përfshijnë statusin dhe tërësinë territoriale të Kosovës.